الاستاذة خمائل صالح

اكدر اكول انو اول مره انام مرتاحه بدون سؤال الـ (ليش) براسي الحمدلله باول جلسه ويا ست خمائل حسيت براحه مو طبيعيه ولكيت جواب لاسئلتي من بديت احجي وياها لحد ما خلصت الجلسه واني فرحانه انو لكيت شخص مثلها فاهم و واعي ويسمعني وينصحني اتمنى كل بنيه تستثمر بنفسها وتقوي شخصيتها ..

كانت تجربتي بالعلاج مع ست خمائل هي اول تجربه اليه بدون ماحس بالوقت حجيت الهه كلشي حسيت براحة وطاقة من اول كلمتين وياهه كانت جدا متعاونه ومتفهمه أكثر مما توقعت. حسّيت إني بمكان آمن أكدر أحجي بيه عن اللي بداخلي بدون خوف أو حكمً وأفهم مشاعري وأرتّب أفكاري بهدوء ممتنة لهالتجربة ولكل خطوة ساعدتني أكون أقرب لنفسي 🤍

اني ممتنة جداً لست خمائل وعتني على أمور وفتحت مداركي لشغلات ما كنت منتبهة عليها وضحتلي اني من شنو دا اعاني ووين مشاكلي بالضبط وخلتني افكر بنفسي أكثر وبالطريقة الي اتعامل بيها وية حزني احس بكل مرة راح تضيق بية الحياة وتزدحم عندي الافكار راح أظل الجأ الها.. انسانة تاخذ الامور بمنطقية وتسمع المقابل بدون حكم وتساعد بالحلول بالطريقة الي الي تناسبني اني سعيدة لأن الحياة خلتها تكون بطريقي ❤️

خمائل كان الها الاثر الاكبر بحياتي اني عرفت نفسي وفهمت طبيعتي وگدرت افتهم سبب تكرر الانماط بحياتي وعرفت شلون ابني علاقة صحية بفضل نصائحها وخبرتها وكانت هي من اكبر الاسباب اني اتشجع واخاطر وافتح عملي الخاص ، شكراً لله ثم الها على اثرها الطيب الرائع الس تركته بحياتي

تجربه رائعه تربطني بست خمائل علاقه منذ سنوات واسلوبها حلو وراقي وأنيق حتى في حل المشاكل حبيبتي اتمنالج كل التوفيق وبصراحه انتي شكلج راحه نفسيه 😘😊

ست خمائل وما ادراك ما ست خمائل ، جانت بلسم الجروح بالأوقات الصعبه و أنيسه الروح اجمل صديقه واحسن معالجه بالدنيا شهادتي بيها مجروحه بسببها اني رجع لي الأمل للحياه وشجعتني اقوم مره ثانيه واحاول واحارب الدنيا علشان مستقبلي وراحتي النفسيه ممتنه الها لاخر يوم بعمري ❤️

جلسة رائعة شاركت فيها مشاعري بصراحة بدون تقييد او حرج اكتشفت اشياء جديدة ما كنت اعرفها سابقا وفهمت اشياء كانت فكرتي عنهه غلط انصح الجميع باخذ هذه الجلسه ست خمائل رائعة ومتعاونة جداً

البارحة جانت اول جلسة مع ست خمائل قبل لا نبدي جنت مترددة انه هي بشنو راح تفيدني بلشنا وبلشت اتكلم كل سوال جانت تطرحه عليه يفجر جواب براسي ويخليني اوعى لنفسي اكثر طول الايام السابقة جان عندي قلق ويظهر بشعور مزعج ببطني بنص الجلسة حسيته اختفى قررت اكمل وياها وتوجهني علمود اتخلص من الانماط والمشاعر السيئة شكرا الها

تواصلت وياها بأكثر مرحلة سوداوية بحياتي وصلت لنقطة السالب مو الصفر من بعدها بديت اخذ الجلسات يمها من بعدها نظرتي للحياة كلش اختلفت وهوايه تحسنت بصورة مو طبيعية حتى مرات اكول شلون صرت هيج انت احسن شخص عرفته وغير بحياتي كلش شكراا الج ❤️❤️❤️❤️❤️